Bakit ba ganito?

      Ang pagsusulit o pagtataya ay isang paraan upang malaman kung hanggang saan o kung ano ang naipong kaalaman ng isang estudyante,ngunit bilang kami ay nasa ika siyam na baitang na,panahon na para dumaan kami sa isang pagtataya kung saan malalaman mo ang kurso mo base sa iyong kaalaman.
      Pero ano itong nararamdaman ko ngayon,Bakit ba ganito parang hindi ko malaman, hindi ko maipaliwanag kung dapat ba akong maging masaya  dahil sa wakas malalaman ko na ang kursong dapat sa akin o malulungkot dahil hindi ko matukoy kong makukuha ko ba ang kursong nais ko.Sa nararamdaman ko ngayon para babg sasabog ang aking dibdib sa sobrang kaba  at mabilis na pagkabog nito.
      Habang lumilipas ang mga oras lalo itong tumitindi, hanggang sa dumating na ang gurong magpapasulit sa amin.Natutuwa naman ako dahil mabait siya ngunit nang makita ko ang bawat pahina ng maliit na libro,ay puro matematika pa ang isang kategorya doon ngunit wala namang pwedeng pamilian dahil kailangan lahat iyon ay sagutan.
    Natapos na ang pagsusulit, sa wakas, natapos na rin ang aking kaba, at nais ko na agad malaman ang resulta ng aking pinaghirapang sagutan.

tuloy ang laban para sa iba pang markahan

      Hayyy.Sa wakas nakalagpas na ako sa unang markahan at dadako naman na kami sa panibagong markahan at makakatuklas na namn kami ng panibagong kaalaman.Inaasahan kong sa markahang ito  mas magigimg madali na para sa amin ang mga maaaring ipagawa ng aming mga guro.inaasahan ko rin sa aking sarili na mas gagalingan ko pa dahil sa lahat ng bagay dapat ginagawa natin ang mga ito sa lahat ng ating makakaya
        Sa markahang mga darating masa mgiging mahirap ang lahat dahil mas dumadami na ang mga responsibilidad namin.Magsisimula na naman kasi ang mga proyektong magpapatong-patong sa aming mga lamesa.Dagdag pa riyan ang mga bagong aralin tulad ng pagguhit sa t.l.e. ,page-eksperimento sa agham,pagtuklas ng panitikan sa silangang asya sa filipino,pagtukoy ng sagot gamit ang kompyutasyon sa matematika,pagtukl;as ng historya sa araling panlipunan at tila pagdugo ng aming mga ilong sa ingles.Ano ba iyan iniisip ko pa lamang sumasakit na ang ulo ko ngunit ganon talaga ang buhay ng estudyante.Magagamit at para naman sa aming kinabukasan ang mga ito dahil kung hindi ka mgsisikap hindi ka magtatagumpay.

Naipong karunungan sa unang markahan

            Ang unang markahan para sa akin ay isa na namang simula upang makaipon ng mga panibagong kaalaman. Nagsimula ang aming unang markahan sa pagtukoy kung ano ang pagkakaiba alamat at maikling kwento.Ang alamat ay isang uri ng panitikang maaring pinagmulan ng isang bagay.Ito ay maaaring kathang isip lamang, samantalang ang maikling  kwento naman ay isang uri din ng panitikan na kung saan ay maiksi lamang at naglalathala ng realidad ng buhay.Matapos nito`y tinalakay naman namin ang transitional devices at ang pangatnig.Ang transitional devices ay ginagamit upangmaging maayos ang pagkakasunod-sunod ng mga pangyayari.Ang pangatnig naman ay ang naguugnay sa dalawang salita, parirala o sugnay.Sumunod ay ang pang-abay at ang mga uri nito.Tinalakay din namin ang ukol sa tula.Ano nga ba ang tula?  Ang tula ay isang anyo ng panitikang nagpapahayag ng damdamin at binubuo ng saknong at taludtod.Isa sa mga uri nito ay ang tulang naglalarawan.Ito ay naiiba sa ibang uri ng tula dahil mas nabubuo sa isipan ng mambabasa ang inilalarawan ng may-akda.Matapos nito`y tinalakay na namin ang huling aralin.Ito ay ang sanaysay.Ang sanaysay ay isang maikling akda at naglalahad ng personalna salaysay ng may-akda.Ito ay may dalawang uri, ang pormal na sanaysay na kung saan ay nagbibigay ng seryosong paksa at ang di-pormal na sanaysay na nagbibigay aliw sa mambabasa dahil magaan lamang ang mga paksa nito.
             Nailahad ko na ang mga naipon kong karununga na mananatili sa aking isipan.Magiiwan ang markahang ito ng magandang kaalaman na maaari kong ibahagi sa iba at mgagamit ko rin pagdating ng panahon.

Awit na sumasalamin sa atin

     Ang isang awitin ay binubuo ng liriko at tutugtugin na ginagawa upang maibsanang emosyon ng isang tao,maipahayag ang damdamin kung ang may akda ba ay masaya ,malungkot o karaniwan ay umiibig.Ngunit may isang kanta na para sa akin ay sumsalamin sa atin.

     Kung ako ang tatanungin ang awiting "Tatsulok" na inawit ni Bamboo ang maaaring sumalamin ng ating lipunan at sa pamahalaan.Alam kong marami ang nakakaalam ng awiting ito.Upang mas maging pamilyar kayo rito narito ang liriko nito:

   

 Totoy bilisan mo, bilisan mo ang takbo

Ilagan ang mga bangag nakatutok sa ulo mo
Totoy tumalong ka, dumapa kung kailangan
At baka tamaan ka ng mga balang ligaw
Totoy makinig ka, wag kang magpa-gabi
Baka mapagkamalan ka't humandusay diyan sa tabi
Totoy alam mo ba kung ano ang puno't dulo
Ng di matapos-tapos na kaguluhang ito

Hindi pula't dilaw tunay na magkalaban
Ang kulay at tatak ay di syang dahilan
Hangga't marami ang lugmok sa kahirapan
At ang hustisya ay para lang sa mayaman

Habang may tatsulok at sila ang nasa tuktok
Di matatapos itong gulo

Iligtas ang hininga ng kay raming mga tao
At ang dating munting bukid, ngayo'y sementeryo
Totoy kumilos ka, baliktarin ang tatsulok
Tulad ng dukha, nailagay mo sa tuktok

Hindi pula't dilaw tunay na magkalaban
Ang kulay at tatak ay di syang dahilan
Hangga't marami ang lugmok sa kahirapan
At ang hustisya ay para lang sa mayaman

Habang may tatsulok at sila ang nasa tuktok
Di matatapos itong gulo

Hindi pulat dilaw tunay na magkalaban
Ang kulay at tatak ay di syang dahilan
Hangga't marami ang lugmok sa kahirapan
At ang hustisya ay para lang sa mayaman

Habang may tatsulok at sila ang nasa tuktok
Di matatapos itong gulo

Habang may tatsulok at sila ang nasa tuktok
Di matatapos itong gulo.......

Di matatapos itong gulo......

Read more: Bamboo - Tatsulok Lyrics | MetroLyrics 

      

     Ang awiting ito ay tumatalakay sa lipunan na ating ginagalawan na kung saan ay marami ang nagugutom o naghihirap dahil sa maling sistema ng ating lipunan,ngunit kung iisipin ay dapat rin tayong magsikap upang tayo ay umaangat dahil hindi lamang dapat tayo dumedepende sa tulong ng pamahalaan...
     "HUWAG MONG ISIPIN ANG MAGAGAWA NG BANSA PARA SA IYO KUNDI ANG MAGAGAWA MO PARA SA BANSA"kasabihan mula kay John f Kenedy.Natutuwa ako na ang awiting ito ay nabuo dahil mayroon itong magandang mensaheng maiiwan sa atin.